شعر سياسى

انا مصرى ابن مصرى وليا الشرف
برغم المهانة برغـــــــــــم القرف
برغم الزبالة اللىمالية الشوارع
برغم الفســــــــاد اللى بية اعترف
سمو معــــــــالى رئيس الوزارة
نتيجة موظف بسيــــــــط انحرف
برغم المجاعة اللى داخلين عليها
وفينا اللى عايش حياتة فى ترف
برغم البطالة فى اوضـــــة وصالة
برغم ان اخر جنيــــــة اتصرف
برغم طــــــــــابور الصباح السخيف
وكل منايا يادوب كـــــــــام رغيف
برغم اســـــايا لمنظر عشــــايا
واقول مش مهم ياواد نام خفيف
برغم انى شايف بلاوى وساكت
وعايش مطنش كــــــــــــأنى كفيف
برغم وزارة رايسها حرامـــــــــى
وشوفوا البجاحة يقولوا نظيف
برغ السلام اللى غرقت بناسها
برغم العيال اللى ساكنة الرصيف
برغم حكومه شعارها الكلام
ورغم رئيسنا علية السلام
ورغم ان كلة ياعالم بيغلى
الا كرامتى بترخص قوام
برغم انى عايش فى بلدى فريسة
ووجبة شهية لبعض اللئام
برغم ان كل تاريخك يا بلدى
فى عهد جنابة كلام فوق رخام
برغم دة كلة يا مصر بحبك
وطظ فيهم ودا اخر كلام