[/font]
[b]

أهلاً مرحباً بكـ زائرنا الكريم في منتديآت كافيه
ندعوكم للتسجيل معنا في المنتدى ، إن لم يكن لك حسآب بعد!
او الدخول لتثبت لنا وجودكـ بالمنتدى!
ايضاً باب الإشراف مفتوح دوماً
فساهم معنا الآن
مع تحيات : إدارة المنتدى
[/b]

[font=Arial Black]



 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 قطع كابلات النت

اذهب الى الأسفل 
كاتب الموضوعرسالة
????
زائر
avatar


مُساهمةموضوع: قطع كابلات النت   السبت نوفمبر 28, 2009 10:18 pm

مين اللي قطع كابلات النت,,,,تحححححححححفة
ذكرى مرور عام على أعفن مقلب فى تاريخ شباب مصر....
________إنفـــــــراد________





خدت نفس عمييييق جداً جداً...


لدرجة إنى حسيت إن خلصت الأوكسجين من البلد (قال يعنى البلد لسه فيها حاجة مخلصتش)...


ورجعت أركز عشان أقفل الشغل اللى فى إيدى...


خلصت بدرى فى اليوم ده...


وقفلت الجهاز وأنا بمنّى نفسى بسهرة لذيذة تشيل عنى قرف الشغل....


نازل من على السلم بهدوء وسلاسة وفرح وعبير وهبة وعبلة و...


" يوسف ... يا يووووووووسف "


اتنفضت وأنا نازل وخدت خمس سلالم مرة واحدة على ركبى المبجلة...
"ايه يا عم إسلام؟! مش توطى حسك شوية؟؟"


لقيت إسلام بيقرب منى بسرعة وكأنه هيقول لى على سر القنبلة الهيدروجينية وهوه بيوشوشنى بصوت مبحوح...


مقدرتش أميز منه غير: " فصل ... راح .. النت ... وقف"


حاولت أهديه وأعمل نفسى حنين...


رحت خابط على ضهره خبطة مرزبة توقع برج القاهرة...


وقلت له بكل حنية:
"انت ياله... اتعدل كده وخد نفسك زى البنى آدمين ... واتكلم عدل عشان مش ناقصاك..."


لكن باين إن الخبطة الخفيفة بتاعتى جابتله إنزلاق غضروفى وهبوط حاد فى الدورة الدموية...
فجحظت عيناه ووقعت على الأرض وهوه بيردد:
" النت فصل ... النت قطع ... احنا خلاص فينيتو "...


طبعا آخر فيوز في دماغى كان فيص...
رحت سايبه ومكمل السلالم بكل هدوء وسلاسة وفرح بس من غير عبير ...



نزلت تحت وركبت المواصلات وحطيت دماغى على دراع الراجل اللي جنبى , راح باصص بكل قرف وعادل لى دماغى بكف محترم...


طبعا زي ما قلت دماغى مش ناقصة قرف , رحت مريح على الكرسى ومديها سيمفونية التشخير المشهورة... قلقت فى السكة علي كلام من عيّنة:
"الظاهر الكلام ده حقيقى ... أنا معنديش نت"
"بيقولوا النت قاطع في مصر كلها "
" أنا سمعت إن في كابل عمومى اتقطع عند البحر"..



بدأت أقلق...
يكونش الواد المنيل إسلام كلامه صح ؟؟؟


" أنا بقى عرفت إن في طبق طاير على شكل قصافة نزل البحر وقطع السلك"


آآآآآآآآآآآه ... كده بقى دول شوية عيال مهيسة ضاربين بانجو ....رجعت أنام تانى , وللأسف الشديد ريحت على دراع اللي جنبى و.... طااااااااخ ....


اتعدلت الناحية التانية!!!!!!!


وصلت البيت وأنا وشى وقفايا حمر من كتر التحويل!!!
ودخلت الشقة من غير ما أعبر حد وطيران على أوضتى و قفلت الباب وفتحت الشنطة أتأكد إن العدة معايا....


كيس دوريتوز الأزرق عائلى , لتر بيبسى , بنص جنيه حلاوة , لبانتين سمارة ...طبطبت على الكيس بحنان أبوى يمتزج به شعور شيطانى بالنشوة والأنتصار والفرح والهناء وبالمرة العبير...


وجلست الجلسة المقدسة قصاد الجهاز....
شغلت الجهاز وحمل بسرعة...
فركت إيدى كمن ينوى فتح خزائن على بابا أو فتحى بابا مش هتفرق...
بصيت في الشاشة...
ولقيت أيقونة الفاير فوكس بتلمع قصادى بثعلبها البرتقالى الرائع...
رحت ناحيتها بالماوس وضغطت كلكتين واستنيت....
قعدت أستمتع برؤية الموقع وهوه بيحمل واللودينج بيعد تحت و.......
ERROR LANDER


ايه ده ؟؟؟؟؟؟؟؟؟؟؟


دعكت عينيا وبعدين النضارة وقريت تانى....
أول مرة أشوف الرسالة دى....
مممممم....
عملت عبقرى وقلت يمكن عشان عامل موقع جوجل default وهوه حاول يفتحه لقاه واقع؟؟؟


قلت أجرب موقع الياهو....
قعد يحمل ويلوووود و......
ERROR LANDER


إيييييييييه ده؟؟؟...


طيب Youtube, altavista deviantart.....
كله نفس الحكاية ...


رجعت بضهرى لورا وأنا حاسس بصدمة محسيتهاش من ساعة ما جبت مادة تحليل نظم دور تانى ....


ترررررن..


ايه اللى حصل ؟؟؟


تررررررررررن..


أنا أكيد بحلم ...


ترررررررررررررررررررن...


مفيش نت ؟؟؟؟؟؟


بنقول تررررررررررررررررررررررررررررررررن!!!!!


فقت على صوت التليفون...


رفعت السماعة و رددت وأنا مزبهل...


"ألو" (وأنا تايه)


"ألو ... ازيك يا يوسف" (صوت تايه غير صوتى)


"مين... مين معايا" (لسه تايه برضه)


"أيه يابنى ... أنا رمضان آآآآ قصدى إسماعيل" (تايه هوه كمان)


"فيه إيه يا إسماعيل؟؟"


(صوت ريق بيتبلع بصعوبة وكأنه بيبلع جزمة ريدوينج)


"انت... انت شفت اللى حصل ... حصل لخط ... النت؟؟"


"حصل إيه؟!"


"النت فاصل فى مصر كلها عشان الكابلات اتقطعت..


صرخت بصوت سمعه سكن غابات الأمازون:
فاااااااااااااااااااااااااصل؟؟؟ ليييييييييه ؟؟؟...
وازاي اساسا الكابلات اتقطعت؟؟؟ .... اوعى تقول لى فضائيين ومركبات فضاء إنت كمان...."


سمعت صوته بالعافية وهوه بينهار"انت عبيط ياله؟؟ فضائيين إيه وكلام فاضى إيه؟؟...
ده واحد في إيطاليا شد السلك من عنده عشان كان محشور ، قام اتقطع عندنا ..."


عيطت وأنا بقول بعيون بتنقط داتا "طيب والحل إيه دلوقتى؟؟؟؟"


فجأة صوته بقى جد وواخد نبرة صارمة وهوه بيقول
"مافيش غير حل واحد.."


"انت بتفكر فى اللى أنا بفكر فيه ؟؟؟"


"أكيد ... مفيش خيار تانى..."


*****


العناوين الرئيسية فى جرايد اليوم اللى بعديه :


"انتحار جماعى لعدد كبير من الشباب بسبب انقطاع خدمة الانترنت"


" نقص فى عدد شباب مصر بنسبة 80% على خلفية عمليات انتحار النت"


"الانترنت يقتل شباب مصر"


عنوان آخر تحت هذه العناوين :

"عودة خطوط الإنترنت إلى مصر بعد تخلص سلاح الطيران من القصافة الفضائية الدخيلة

منقول
الرجوع الى أعلى الصفحة اذهب الى الأسفل
 
قطع كابلات النت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: •»◦--◦ı[ كافيه الروقان]ı◦--◦«• :: المرح Fun l-
انتقل الى: