أخـي الصديـــق !

صباحكم شعــر



مدخل :

اكره حظر التجول في شوارع بعض المدن القريبه من القلب

كما لا اؤيــّد القوانين الصارمه التي يفرضها رؤساء هذه المدن

على الشعوب الفقيرة !

.


مخرج :

نص اقرب مايكون غنائي ..

تمنيت لو تغنيه ( فيروز او عبادي الجوهر)..

واحلم ان يشدو به ( الجسمي وان ماحصل أحلام ) ... كلها أمنيات

.

.

.

.



ياصاحب الحـس الأنيـق

يا أخ خ خ خ

أو عفـواً صديــق !

ماكان مفهومـك خطـا

بس انت ضيّعــت الطريــق


في قلب وافـي ماغــدر

ماخذ من الدنيا حـذر

مجروح .. علّمتــه الحيــاه

ان البشر ماهــم بشــر !


قلب بــأمانه ماخــدع

طيّـــب ولاحب الطمـع

حنون بأحلامه قنـــوع

عزيز نفــس وماخضـــع !


قلب ببساطه كان حــي

يبـنــي حياته شـي شـي

حاول يسايرهم تعــب

واستعجل بموتـه شـوي !


تدري منو كان السبــب

عالم تحايلها صعـــب

مع كل طيـبـه عذبــوه

لأنــه .. مايكــره يحـب ..!


المشكلـــه مو بالأساس

يحــس او ميــّت احساس

من بيض نيــّاته يقيـــس

عواطفـه بقلـوب نـاس !


صادق معاهم كلهــم

والأصــدق انه حبهـــم

أحيان يتفاجئ كثيـــر

ان الصراحه ( مــش مهـــم ) !


ياما نصحته مايطيــع

من كان بي طفل ٍ رضيــع

لين امتلا حـُــب وكبر

افنيــت بوحــه للجميـــــع !


هذا عنا ( قلب ) اغترب

مكسور فعيون التعــب

هم السبب والاّ عناه

والله .. ماعرف شالسبب !


خـل السوالف لاتزيـــد

والناس اتركها بعيــــد

تعال بتعمـــّــق معاك

عن جرح ساكن فالوريــــد !


ماعشت فالغربه سنيــــن

ماذقــت وشطعم الحنيــــن

دريت وشمعنى الحـــزن

بالليل صحّاك الأنيـــــن !؟


حبيّـت مره وانجــرحت

حاولت تخفي وانفـضحـت

حسيت في برد الضلـوع

العشق دفــّاك .. استرحــت ؟


ماعشــت فقيــر بغنــــاك

وكل اللي في أرضك نسـاك

محروم .. بأحلامك عطــش

ولا امطـر الغيم بسمـــاك !


شعــور من بعض الشعــور

كومـة مشاعر في سطور

حبيـّت أوصّـلهـا إليــك

ارجـّع لظلمــاك نـــور!


هذا شعـوري بالحيـاه

القلب عالي مستـــواه

الصوت مبحوح وجميـل

صمتــي ومتوسـّـد بـ آآآه !


ياصاحبي الفذ الأنيـــق

يااااااااااااخوي

يا أوفـا صديـــق !

ان كنت فاهمني خطـا !

الحيــن وصلت الطريــق ؟!

.

.